V міжнародная навуковая канферэнцыя "Мова - Літаратура - Культура"

Abstract

Пад эгідай кафедры сучаснай беларускай мовы філалагічнага факультэта Беларускага дзяржаўнага універсітэта і Міжнароднай асацыяцыі беларусістаў 16-17 лістапада 2006 г. у Мінску адбылася V Міжнародная навуковая канферэнцыя «Мова - Літаратура - Культура», прысвечаная 80-годдзю з дня нараджэння доктара філалагічных навук, прафесара Льва Міхайлавіча Шакуна. Шырокая праблематыка выклікала вялікую цікавасць у навуковых колах, пра што сведчыць колькасць удзельнікаў канферэнцыі: каля двухсот навукоўцаў з Беларусі, Расіі, Украіны, Германіі, Аўстрыі, ЗША, Швейцарыі, Польшчы, Венгрыі, Чэхіі і Славакіі. Разам з прызнанымі даследчыкамі актыўна працавалі аспіранты, магістранты, а таксама саіскальнікі і студэнты.