Валідацыя і візуалізацыя мезамаштабнай мадэлі WRF для прагназавання сінаптычнай сітуацыі на тэрыторыі Беларусі : рэферат да магістэрскай дысертацыі / Міцкевіч Яраслаў Міхайлавіч; БГУ, геаграфічны факультэт, кафедра агульнага землязнаўства і гідраметэаралогіі; навук. кір. А.М. Красоўскі, Мінск, 2015

Abstract

Прагназаванне надвор'я пры выкарыстанні лічбавых мадэляў інтэнсіўна ўкараняецца на дадзеным этапе развіцця гідраметэаслужбы рэспублікі Беларусь. Для колькаснага разліку сінаптычнай сітуацыі ў Рэспубліканскім гідраметэаралагічным цэнтры Міністэрства прыродных рэсурсаў і аховы навакольнага асяроддзя выкарыстоўваецца мезамаштабная лікавая мадэль WRF. Актуальнай задачай з'яўляецца адаптацыя мадэлі для тэрыторыі нашай краіны пры выкарыстанні найбольш дакладных геаграфічных дадзеных для прагназавання надвор'я на рэгіянальным узроўні. У рамках магістарскай дысертацыі была пастаўлена задача распрацоўкі і даследавання методык адаптацыі дадзеных, магчымых спосабаў паляпшэння якасці прагназавання пры выкарыстанні суперЭВМ. Для адаптацыі і асіміляцыі выкарыстаны дадзеныя рэльефу SRTM. Shuttle Radar Topography Mission (SRTM) з'яўляецца міжнароднай навукова-даследчай місіяй атрымання лічбавых мадэляў рэльефу. Пры дапамозе праграмнага забеспячэння рэалізаваны магчымасці выкарыстання новых геаграфічных дадзеных для павышэння дакладнасці мадэлявання колькасных характарыстык метэаралагічных параметраў. Гэтак жа разгледжаны асаблівасці АЦА, якія ў далейшым могуць быць выкарыстаны для мадэлявання сінаптычнай сітуацыі пры сумесным выкарыстанні з мезамаштабной мадэллю WRF - мадэлявання пры ўліку глабальных асаблівасцяў АЦА, для чаго таксама на дадзеным этапе распрацаваны пэўныя методыкі - для пабудовы планетарных вышынных франтальных зон і інш. Вывучаны асаблівасці верыфікацыі і валідацыі якасці колькаснага прагнозу надвор'я пры дапамозе праграмна-інструментальнага пакета MET (Model Evaluation Tools), які актыўна ўкараняецца ў РГМЦ. У выніку праведзенай працы методыкі адаптацыі і асіміляваныя дадзеныя былі перададзеныя ў РГМЦ для далейшага выкарыстання, тэставання і праверкі змяненняў якасці прагназавання метэаралагічных паказчыкаў, сінаптычнай сітуацыі.