ЭКАНАМІЧНАЯ ГІСТОРЫЯ БЕЛАРУСІ № УД-1504/баз.

Abstract

Курс «Эканамічная гісторыя Беларусі» курсам па выбару для студэнтаў гістарычнага факультэта спецыяльнасцей 01-21 03 01 Гісторыя (па накірунках) і студэнтаў факультэта міжнародных адносін спецыяльнасці 1-96 01 01 Мытная справа.Сярод гуманітарных дысцыплін, якія актыўна ўплываюць на агульнаадукацыйную і фундаментальную эканамічную падрыхтоўку будучых спецыялістаў у гэтай галіне, істотнае значэнне мае эканамічная гісторыя Беларусі. Дадзеная дысцыпліна не толькі апісвае тыпы эканамічных сістэм ад натуральнай гаспадаркі да сацыяльна арыентаванай рыначнай эканомікі, але і раскрывае механізмы іх самаразвіцця, якія абумоўлены асаблівасцямі эканамічнай палітыкі і шматлікімі фактарамі неэканамічнага характару. Зварот да эканамічнай гісторыі, паглыбленне гістарычных ведаў дыктуюцца не толькі зразумелым інтарэсам да мінулага, але і спробай уявіць, а што ж сёння можна ўзяць на ўзбраенне з нашай далёкай і блізкай гісторыі, якія каштоўнасці, эканамічныя прынцыпы апраўдалі сябе і вытрымалі выпрабаванне часам.