Літаратурныя пародыі Пятра Сушко: жанравая своесаблівасць

Abstract

Што такое пародыя? Паводле «Паэтычнага слоўніка» В. П. Рагойшы «пародыя (грэч. parodia – супрацьспеў, песня навыварат) – жанр сатырычнай літаратуры, заснаваны на карыкатурным перайманні асаблівасцей нейкага твора, творчай манеры асобнага аўтара ці літаратурнага напрамку. Пародыя абавязкова падразумявае арыгінал, кантрастуе з ім, часам пераўзыходзіць яго па сваёй мастацкай вартасці. Камічны эфект у пародыі ствараецца неадпаведнасцю формы твора, які парадыруецца, новаму, процілегламу яму зместу, паказам асобных характэрных рыс парадыруемага твора ў шаржавым, часта гіпербалізавана-абсурдным выглядзе». Як жанр пародыя сфарміравалася яшчэ ў старажытнай Грэцыі. Пародыя – не другасны, а цалкам самастойны жанр літаратуры, павінна стварацца на высокім мастацкім узроўні. Наяўнасць пародыі сведчыць пра сталасць і напоўненасць літаратуры.