Беларускі мастацкі пераклад у кантэксце параўнальнага літаратуразнаўства. Метадалогія. гісторыя. паэтыка : справаздача аб навукова-даследчай рабоце (заключная) / БДУ ; навуковы кіраўнік В. П. Рагойша

Abstract

Аб’екты даследавання: тэорыя і практыка мастацкага перакладу. Мэта навуковай працы: вывучэнне эстэтычнай своеасаблівасці, месца і ролі мастацкага перакладу ХХ–пачатку ХХІ стст. у беларускай літаратуры, а праз гэта – духоўнага патэнцыялу нацыі. Дзеля гэтага будуць вывучаны: тыпалогія славянскай, у першую чаргу ўсходнеславянскай, міжлітаратурнай супольнасці; дыскурс мастацкага перакладу ў сацыякультурнай прасторы Беларусі; лінгвістычныя і экстралінгвістычныя фактары беларускага перакладу; перакладчыцкія прынцыпы ў кантэксце літаратурнага працэсу Беларусі; жанравыя асаблівасці мастацкага перакладу, у першую чаргу – перакладу паэзіі. Метад, або метадалогія правядзення працы: параўнальна-гістарычны, структурна-тыпалагічны, гісторыка-функцыянальны метады і прынцып сучаснай кампаратывістыкі. У выніку выдадзены падручнікі, вучэбныя дапаможнікі, энцыклапедычныя даведнікі, дзясяткі артыкулаў па тэорыі і практыцы беларускага літаратурнага перакладу, накіраваныя на актывізацыю беларуска-іншанацыянальных літаратурных узаемасувязей. Галіна прымянення вынікаў і рэкамендацыі па іх укараненні: створаны падручнікі, вучэбныя дапаможнікі, сутнасць якіх укараняецца і ў практыку школьнага навучання ў ВНУ, і ў практыку мастацкага перакладу. Эканамічная эфектыўнасць, або значнасць працы: уплыў на актывізацыю беларуска-іншанацыянальных літаратурных узаемасувязей. Прагнозныя меркаванні аб развіцці аб’екта даследавання: працяг перакладчыцкай і аналітычнай працы.