Гендарныя адносіны ў Беларусі ў новы і навейшы час. № УД-7123/вуч.

Abstract

Сацыяльныя, эканамічныя і палітычныя пераўтварэнні, якімі характарызаваўся перыяд XIX – XX стст., унеслі значныя змены ў узаемаадносіны паміж паламі ва ўсіх галінах, абумовілі павелічэнне ролі жанчын у прафесійнай і адукацыйнай сферах і, тым самым, прывялі да змянення статусу жанчыны ў грамадстве. У сучасным грамадстве назіраецца трансфармацыя сацыякультурных стэрэатыпаў маскуліннасці і феміннасці, а вывучэнне ўзаемаадносін мужчын і жанчын, адрозненні сацыяльных роляў, ідэнтычнасці выклікае актуалізацыю цікавасці і ў сферы прыватнага жыцця, і ў мастацтве, і ў навуцы.Мэта курса – пазнаёміць студэнтаў з адным з кірункаў сучаснай гістарыяграфіі, з метадалогіяй і канцэптуальным апаратам гендарнай гісторыі, паказаць магчымасці і інтэгратыўны патэнцыял гендарнага аналізу ў гісторыі Беларусі ХІХ–ХХ стст.