Праблемы абагуленасці, фармальнай азначанасці, структуры (будовы) і эфектыўнасці норм права

Abstract

Пры даследаванні такіх уласцівасцяў нормы права, як яе абагуленасць і фармальная азначанасць, уносіцца прапанова аб неабходнасці стварэння зводу (тэзаўруса) прававых паняццяў і тэрмінаў сучаснага беларускага права, фарму¬люецца выснова аб неабходнасці яго нарматыўнага замацавання і магчымых кірунках стварэння. Даследуючы структуру нормы права, аўтар выказвае меркаванне, згодна з якім немагчыма выпрацаваць адзіную пазіцыю ў разуменні будовы нормы права. Дадзеная версія грунтуецца на прынцыповай розніцы ў характары прававых сістэм – сістэмы агульнага права (адкры-тая сістэма) і сям’і рамана-германскага права (закрытая сістэма). Выказваецца ідэя, згодна з якой эфектыўнасць нормы права можа быць вызначана шляхам вывучэння і наступнай інтэграцыі эфектыўнасці кожнай з арганічна спалучаных частак яе зместу – сацыяльнай, інтэлектуальна-псіхалагічнай і ўласна юрыдычнай.