Архівазнаўства. № ВД-922/вуч.

Abstract

Вучэбная дысцыпліна “Архівазнаўства” прызанчана для студэнтаў спецыяльнасці 1-23 01 13 “Гісторыка-архівазнаўства” 3 курса (5 і 6 семестры), з’яўляецца працягам агульнага курса па дысцыпліне і ўключае раздзел “Тэорыя і методыка архіўнай справы”, адносіцца да цыклу спецыяльных дысцыплін (дзяржаўны кампанент). Мэта дысцыпліны: уводзіны ў тэарытычныя праблемы архівазнаўства і методыку архіўнай працы, авалоданне практычнымі навыкамі ў асобных накірунках архіўных работ. Задачамі з’яўляюцца: азнаямленне з асноўнымі тэарытычнымі паняццямі архівазнаўства, навейшымі тэарытычнымі архівазнаўчымі падыходамі, а таксама выпрацоўка першасных навыкаў правядзення архівазнаўчых даследаванняў; вывучэнне актуальнай нарматыўнай прававой і метадычнай базы, што рэгулюе пытанні пастаноўкі архіўнай справы у сучаснай Рэспубліцы Беларусь; вывучэнне сістэмы упарадкавання архіўных дакументаў у межах Нацыянальнага архіўнага фонда, асобных архіваў, і архіўных фондаў, уключаючы праблемы фарміравання сеткі дзяржаўных архіваў у Рэспубліцы Беларусь і характарыстыку іх асноўных відаў; азнаямленне з прынцыпамі і этапамі правядзення экспертызы каштоўнасці дакументаў і іх адбору на дзяржаўнае захоўванне, а таксама з падыходамі да камплектавання дзяржаўных архіваў дакументамі розных відаў; фарміраванне уяўлення аб уліковай дакументацыі архіва і метадах забеспячэння захаванасці дакументаў, авалоданне навыкамі складання уліковай архіўнай дакументацыі з перспектывай выкарыстання іх у практычнай дзейнасці. Вучэбная дысцыпліна “Архівазнаўства” базуецца на ведах, атрыманых падчас вывучэння дысціплін “Гістарычная інфарматыка”, “Крыніцазнаўства”, і спрыяе падрыхтоўцы кваліфікаванага спецыяліста, засваенню дысцыплін “Археаграфія”, “Архіўны менеджмент”.